احساس جوايا

اسمعى دى عشان تحسى باللى جوايا


صحيح ايامى كانت احلى لما انتى كنتى معايا بس دلوقتى جه الميعاد اللى تكون فيه النهاية مش ندمان مش زعلان لأ بالعكس سعيد للغاية توتة توتة خلصنا وانتهينا من كل الحكاية..


حبيتك صدقبنى من كل حتة فى قلبى مش هاقول الذنب ذنبك علشان الذنب ذنبى
كان نفسى اشوف حياتى وانتى معايا هنا جنبى اديتك شوقى اخلاصى وكان معاهم حبى وانا من الاول لما قابلتك قولت خلاص هتكونى حياتى بس فضلت كتير معاكى باجى على نفسى واهاتى ..بس انتى كده وضحتيلى الحكاية من الاساس انك لما قابلتينى ما كنتيش ناوية على الاخلاص.. والله خسارة فينا انك انتى قبل منى علشان قلبى وعقلى اللى حبك كانوا حتة منى سبتينى وانا محتاجلك ان انتى اللى تكونى معايا بس للاسف انا اللى استاهل علشان من البداية افتكرتك واحدة هتبقى جنبى فى الغلط و فى المظبوط لكن فى الغلط و المظبوط قولتيلى فووق انا مش بتاعة واحد علشان يتحكم فيا وانا اللى كنت باقول عليكى ان انتى مش انانية....


صحيح ايامى كانت احلى لما انتى كنتى معايا بس دلوقتى جه الميعاد اللى تكون فيه النهاية مش ندمان مش زعلان لأ بالعكس سعيد للغاية توتة توتة خلصنا وانتهينا من كل الحكاية..



خلاص يا بنتى هاسيبك وهانسى انى كنت حبيبك وربنا معاكى فى طريقك ومعاكى كمان فى نصيبك
قولتيلى لا والله انا حبى ليكى هنا موجود ....لا يا انسة حابيلى علشان كلامك هيكون له حدود ...مش انتى اللى تقولى حب وشوق وحنين وغرام...علشان لو انتى ..ممكن صدقينى انا انغام..علشان كنت باخاف عليكى و كنت باحبك حب يديكى..لو كنتى تقولى لى انا اسفة..كنت اقول سبيكى لبيكى...


مش هاقول على نفسى ملاك علشان انا واحد عادى..لازم اعمل صح واغلط ..هوا ده الطبيعى العادى...


طاب ما انتى كمان ياما غلطتى..و انا ياما فكيت عديت..لما تقولى لى انا اسفة اقولك قلبى هوا البيت...و انتى فيه موجودة و مش هتروحى فى اى مكان.


علشان ياما قولتيلى انك بتلاقى فيه الحنـــــان..اما طلعت انا واحد طيب...اما طلعت كمان انسان باسمح و اغفر عدا اخطاء واقول خلاص اللى كان كان....



صحيح ايامى كانت احلى لما انتى كنتى معايا بس دلوقتى جه الميعاد اللى تكون فيه النهاية مش ندمان مش زعلان لأ بالعكس سعيد للغاية توتة توتة خلصنا وانتهينا من كل الحكاية..



رجعت اقول خليكى معايا ده احنا بينا كلام كتير .. قولتيلى ما اعطلكش ..سيبلى وقت للتفكير..
تفكير ازاى يا بنتى ؟؟....هوا الحب ده موضوع..؟
ده الحب ده كلمة سخنة اللى يحسها يبقى ملسوع...
لاقيتك بتقولى معلش وخد بالك من نفسك ..كده انتى بالنسبة لى سجان .بيقولى خش فى حبســــك...
كلامك ماشى يا هانم ..هامشى واسيبهالك اهى فاضية..علشان كان ماتش ملاكمة ..طالع واخد الضربة القاضية..
بس انا خلاص خدتلى قرار مش هارجع فيه مهما يكــــــــون...مش هتفرق حاجة معايا ..عاقل انا واللا مجنـــــون...
علشان خلاص قررت انساكى وانسى معاكى كل الايام اللى عدت من قدامى زى لما تكون احلام...
خلاص هابقى طبيعى ...
خلاص هاعرف انام..
من بعدك هابقى تمام ....هاطلع فوق هامشى لقدام..
قلبى خد منك كتير ..قلبى ده بطل همام..عقلى اتشل من التفكير ما عادش هيصدق افلام..


من اللى كنت بتعمليها عليا ايام زمان..
علشان دلوقتى خلاص قررت اكون انسان غير انسان
واعرف اختار الزمان واعرف اختار المكان اللى اعيش فيه بامان و الاقى فيه الحنــــــــان....




صحيح ايامى كانت احلى لما انتى كنتى معايا بس دلوقتى جه الميعاد اللى تكون فيه النهاية مش ندمان مش زعلان لأ بالعكس سعيد للغاية توتة توتة خلصنا وانتهينا من كل الحكاية..



حــــــــــاولى تفهمى كلامى وتتعلمى من اخطاءك
خلاص عرفت حقيقتك وفى قلبى خداعك ليا وكمان عله امضــــاءك...


انا لٍٍٍٍٍٍٍٍٍٍٍٍٍٍسه بحبك يا بنت الحلال بس مش عارف ايه مزعلك منى


والله انا باموت و خوفى انك تسبينى وتبعــــــــــــدى عنى...